Síðasta helgi snérist mikið til um þetta:  http://www.trigger.is/gallery2/trips/sumarhatid-20070720/?g2_page=2           

 

  Ég vona að það sé í lagi að ég skelli þessu hérna inn.... Og reyni það með að redda þeirri staðreynd að ég er algjör auli með tölvur og kann ekki að setja inn myndirnar sem ég tók sjálf......  

 Það var sumarhátíð hjá 4x4 sem 4x3 sá um. Tengdó komu hérna í heimsókn á föstudeginum og voru fram á sunnudag. Á laugardeginum fórum við í bíltúr með 52 öðrum bílum eins og sjá má á myndunum þarna fyrir ofan.   Það var grillað og þetta var mjög gaman. Svo var brunað aftur til Víkur og þá var verið að opna Orku bensínstöðina í Vík. Orðin svona líka menningarleg. Gunnar kom á hjólabátnum og var sá fyrsti til að dæla á. Það dugði ekkert minna tæki.  

Við horfðum svo á vatnsfótbolta sem er algjör snilld, það ætti að halda fleiri svoleiðis fótboltaleiki.    Menn vopnaðir brunaslöngum í sitt hvoru marki og allir frekar mikið blautir....  

Um kvöldið komu svo Siggi, Sigrún og börnin í grill til okkar. Ég var búin að kaupa allt í matinn og byrjuð að undirbúa þegar ég fattaði að ég væri með 11 manns í mat sem ég vissi ekkert hvernig ég ætti að koma fyrir!    Stofan mín er nefnilega svefnherbergið hennar Hjördísar núna. En ég á svo rúmgott eldhús að þetta reddaðist allt saman.  

Ég var svo í bænum í gær að gera tilraun til að fá mér linsur. Gleraugun eru farin að fara eitthvað í taugarnar á mér og ég er alltaf með þau uppi á hausnum eða búin að týna þeim einhvers staðar en sjaldan með þau á nefinu.   Það kom líka í ljós að sjónin hjá mér er bara að skána og gleraugun orðin alltof sterk fyrir mig. Það útskýrir margt....  

Ég keypti mér líka nýjan síma og í dag hef ég ekki verið til viðtals heldur með nefið ofan í nýja símanum að reyna að læra á hann. Ég var ekkert að gúddera það fyrst að vera ekki með Nokia síma en þetta er allt að koma og ég held að ég og síminn eigum bara eftir að verða góðir vinir.  

Í dag var ég svo að reyna að setja í mig þessar linsur sem ég fékk í gær. Og ég komst að því AFTUR að ég get bara EKKI verið með linsur, það er ekki fræðilegur möguleiki fyrir mig að setja þær í.   Mér finnst greinilega bara mjög óþægilegt að pota hlutum í augun á mér!   Furðulegt ekki satt?

Eftir daginn í dag þá hjómar gras, gras, gras og ekkert nema gras í garðinn hjá mér ágætlega! Ég er búin að komast að því að garðvinna er ekki sterkasta hliðin hjá hrakfallabálknum mér. Ég var allavega harkfallabálkur í dag. Hnéð á mér er mjööööög blátt, passa vel við merki sjálfstæðisflokksins, ekki með alla putta alveg heila og rispuð á hendleggnum. Ég og hjólbörur og ég og risastórir hraunsteinar passa ekki alveg saman..... Bara svona koma því á framfæri....

 

Ég og Ása erum búnar að vera að vinna í garðinum hjá mömmu. Eða ég að hjálpa henni, hún er búin að skipuleggja og hanna þetta svo flott. Garðurinn verður æði. Búið að vera alveg þrælgaman, æðislegur félagsskapur, svo gaman að geta verið að vinna með Ásu og svo er búin að vera sól svo veðrið skemmir ekki fyrir. Garðurinn er að verða þrælflottur, verður æði þegar allt er búið, komin pallur og pottur og allt komið á sinn stað.

 

En svona miðað við hvernig mér semur við verkfæri og steina þá held ég að ég geri ekki mikið af því að laga til í garðinum hjá mér á næstunni......

Ég var í golfkennslu í dag. Það er ÆÐISLEGA GAMAN! Ég var í skýjunum á eftir. Ég og Alli fórum í klukkutíma einkatíma og hann var alltof fljótur að líða þessi klukkutími. Það er svo gaman að spila golf þegar það er maður sem er að segja manni hvað maður er að gera rétt og hvað rangt. Svo er þessi golfkennari líka svo skemmtilegur, það hefur auðvitað heilmikið að segja.  

Svo ég er komin með algjör golfdellu. Þó að ég kunni eiginlega ekki neitt. En núna verð ég að æfa allt sem að ég lærði núna þangað til kennarinn kemur næst.  Við Alli vorum reyndar að hlæja að því í dag, að ég eigi alltaf eftir að rústa honum í golfi. Hann slær laaaaangtum lengri högg en ég enda slæ ég ekkert langt, svo hann kemst brautir á kannski 2 til3 höggum með ég fer þær á 10 til 15 höggum..... En svo þegar við komum inná teig þá er ég langtum betri í stuttu skotunum en hann var getur ekki slegið laust. Svo þetta verður svona eins og í teiknimyndunum, hann alltaf að slá yfir. Nei, ég segi svona, við vorum aðeins að ýkja.  

En þetta verður líklega til þess að ég bara læt verða af því að fjárfesta í BLEIKA golfsettinu sem mig langar svo í. Ég held samt að Alli langi meira til þess að gefa mér það en mig langi í það. Hann talar varla um annað.   

En nú á Binni eftir að hlæja að mér ef hann sér þetta. Nógu mikið hló ég að honum þegar ég fór með honum út á völl og nógu mikið talaði ég um það hvað golf væri GRÍÐARLEGA hallærisleg íþrótt! Hehemm......   Verð víst að taka það til baka...... Viltu koma í golf Binni???

 Ekki?     Á ég að segja ykkur???? 

Ég var að grilla í fyrradag! OG það kviknaði ekki í neinu og að slasaðist engin. (7, 9, 13)   En já, það kom alveg í ljós þarna hver grillar alltaf á þessu heimili.... Það voru pylsur í matinn og ég var orðinn svo svöng að ég ákvað bara að borða á undan Alla og ég var bara ekkert viss um að ég næði að kveikja á grillinu! En það tókst...... á endanum........... Förum ekki nánar út í það...........     

 

Svo hef ég stórfréttir! Ég fór á ,,djammið” tvær helgar í röð!  Það hefur nú bara ekki gerst síðan 2002 held ég.....  Hörku djammari.    En ég setti þetta innan gæsalappa af því að fyrri helgina fórum við hérna á Halldórskaffi, og jú reyndar var hljómsveit að spila en maður kallar það nú samt varla djamm. Meira kaffihúsastemming með dansandi fólki, miklum hávaða og góðri tónlist. Við fórum með Fríðu, en hún var hjá okkur þessa helgi. Og svo tókst mér að draga Sigrúnu og Sigga með okkur líka. Rosa gaman, hittum fullt af fólki sem við höfum ekki séð í möööööörg ár.  

 

Svo helgina eftir þá fórum við Alli saman út að borða og komumst að því að við gerum voða lítið út á það að vera rómó. Sem er bara fínt þar sem við erum svona samhent í því, væri verra ef annað okkar væri rosa rómó og hitt ekki.....    En Gaui skemmti sér vel yfir okkur. Enda alltaf að hlæja að okkur.....   

 

En jæja, við kíktum til dæmis inná nýja staðinn hans Kristjáns, sem er geggjað flottur. Við fengum auðvitað túr þar um. Allt brjálað að gera þarna og greinilega mjög vinsæll staður.  Við Alli, Gaui og Elísa fórum svo á annað heimili strákana. Við hittum svo þar til dæmis Snorra sem ég hef ekki séð í fjögur ár.

Svo komu Anna og Eva í bæinn og við stelpurnar stungum af. Það var þrælgaman að fara á svona stelpudjamm í smá stund, en ég gat auðvitað ekki yfirgefið kallinn minn lengi.  En jæja, orðin sybbinn.

En núna er ég búin að blogga, svo það er ekki hægt að skamma mig fyrir að vera löt!

Er svo þreytt að ég efast um að ég stafsetji rétt.....

Það var verið að sýna Brá í dag. Fékk fyrstu einkunn þessi elska. Og ég auðvitað rosalega montin yfir því. Misstum reyndar af því að sjá rakkana, ég ætlaði að sjá þá líka til að dæma hver væri nú bestur til að eignast hvolpa með litla krúttinu mínu. Koma hvolpar rétt fyrir jól ef allt fer eftir áætlun. Að minnsta kosti eins og áætlunin er núna...... Hún getur nú breyst..... En ef sú áætlun breytist ekki þá verður fjör á þessum bænum um næstu jól.

Ég er þessa dagana að háþrýstiþvo húsið. Gaui fékk hláturskast þegar ég sagði honum það. Dælan er svo kraftmikil og ég lítil og létt og hann sá fyrir sé að ég hengi hérna á byssunni á meðan hún sprautaði út um allt hlað. En það er ekki alveg svo slæmt. Ekki það að ég ég er ekki alveg viðbúin þegar ég tek í gikkinn þá kastast ég aðeins aftur en þetta eru ekki flugferðir eins og hann sá fyrir sér. En Gaui er náttúrulega líka Gaui, það þarf að taka tilllit til þess.

 En jæja, er að leka niður. Farin að sofa.

Við fórum á ættarmót um síðustu helgi. Grilluðum öll saman á laugardagskvöldið og svo fórum við í sjóferð út á Breiðafjörð á sunnudeginum. Það var rosalega gott veður og þetta var alveg frábært.  Svo hafðist ferðin heim og hún var eitthvað sem við gleymum aldrei.

  Við hlógum reyndar bara að þessu, eða flestu, þetta var reyndar ekki allt fyndið, kem að því á eftir.  Við lögðum af stað um þrjú leitið úr Stykkishólmi. Þegar við vorum rétt komin út fyrir bæinn þá mundi ég eftir að ég átti eftir að skila vettlingum sem ég fékk lánaða hjá tengdó svo við snérum við og skiluðum þeim.  

Eftir það gekk ferðin nokkuð áfallalaus fyrir sig niður í Borgarnes. Keyrðum þar í gegn en þegar við vorum komin yfir brúna fattaði Alli að við þurftum að aka olíu áður en við héldum áfram.  Svo þegar búið var að dæla á bílinn og Alli var farinn inn að borga byrjaði bílinn allt í einu að láta undarlega og svo drapst á honum. Ég vissi strax að það hlyti að hafa farið bensín á bílinn og þá þurfti að ná því af. Það tók um þrjá tíma. Við mæðgurnar dunduðum okkur við að skoða blóm, kasta steinum í sjóinn og ýmislegt fleira. Svo þetta var bara allt í lagi. Fengum okkur svo að borða áður en við lögðum af stað aftur. Í seinna skiptið sem við keyðum yfir brúna mundi Alli eftir því að hann gleymdi að skila dælunni sem hann notaði til að ná bensíninu. Svo það var snúið við aftur.  

Þegar að við komum svo að göngunum var þar löööööööööng röð. Héldum fyrst að það væri bara svona rosaleg umferð en sáum svo að það snéru allir við á hringtorginu. Svo við snérum við og fórum fjörðinn. Við ákváðum svo að stytta okkur leið og fara inná Þingvelli og Lyngdalsheiðina. Þar keyrðum við fram á kvikmyndalið sem var að taka upp auglýsingu og urðum að bíða eftir að þau kláruðu.  

Stoppuðum svo á Laugarvatni í smá stund. Svo héldum við áfram og ætluðum niður á Flúðir og koma niður rétt fyrir utan Þjórsá. Það tókst ekki betur en svo að við fórum einhvern rosa krók og komum svo niður hjá Ingólfsfjalli fyrir utan Selfoss. Svo þessi stytting hjá okkur var bara alls engin stytting. Stoppuðum þarna á leiðinni og fórum í göngutúr í skóginum.  Við vorum svo komin heim klukkan hálf tvö um nóttina. Þetta ferðalag sem tekur venjulega svona fjóran og hálfan tíma tók sem sagt ellefu og hálfan tíma. Mamma ætlaði aldrei að geta hætt að hlæja að þessu. Skil hana reyndar ágætlega. Þetta var þónokkuð skondið. Ferðalag sem gleymist ekki í bráð.  

Sporðdrekinn

(23. október - 21. nóvember)

Árstími Sporðdrekans er mitt haustið. Á þessum tíma styttist dagurinn óðfluga og skammdegismyrkrið eykst. Gróðri hnignar, lauf eru fallin af trjám, frost sest í jörð og veður versnar. Sálræn áhrif nóvembermánaðar á mannfólkið eru þau að það leitar inn á við í auknum mæli. Hjá flestum er einungis um tímabundið ástand að ræða, en fyrir Sporðdrekann er þessi tími mótandi og setur mark sitt á sálina. Hann er því heldur dulur og lifir töluvert í eigin heimi.

Tilfinningar
Sporðdrekinn er tilfinningaríkur, viðkvæmur og frekar varkár. Að öllu jöfnu virðist hann hægur og rólegur á yfirborðinu, en tilfinningar ólga oft undir niðri. Hinn dæmigerði Sporðdreki er heldur fámáll en kjarnyrtur þegar hann talar á annað borð (staða Merkúrs í merki hefur töluverð áhrif á talanda). Hann vill vera hreinskilinn og er lítið gefinn fyrir yfirborðsmennsku. Þegar sagt er að Sporðdrekinn sé dulur þarf að hafa eitt í huga. Hann er næmur og tekur tilfinningar og líðan annarra auðveldlega nærri sér. Hann heldur fólki því oft frá sér í varnarskyni. Einnig vill hann kafa djúpt ofan í það sem hann tekur fyrir og er því lítið fyrir yfirborðskenndan kunningsskap eða samræður. En þegar Sporðdrekinn er með fólki sem hann treystir fyrir tilfinningum sínum er hann alls ekki dulur. Þá er hann oft stjórnsamur og opinskár og á til að ræða mál sem öðrum finnst óþægilega persónuleg. Sporðdrekinn getur því verið dulur og lokaður gagnvart ókunnugum eða þeim sem skilja hann ekki, en að öðru leyti kjarnyrtur og opinskár.

Stjórnsemi
Sporðdrekinn er eitt af stöðugu merkjunum. Það táknar að hann er fastur fyrir og ósveigjanlegur í persónulegum stíl sínum og viðhorfum. "Nei, þetta geri ég aldrei," segir hann og verður ekki haggað. Þó hann geti virst rólegur á yfirborðinu er hann ráðríkur og stjórnsamur undir niðri. Hann er í raun launfrekur og þarf að ráða, að minnsta kosti yfir eigin umhverfi og lífi.

Rósemi eða ákafi
Svo virðist sem framkoma Sporðdrekans skiptist í tvö horn. Annars vegar er hinn hægi og rólegi Sporðdreki sem heldur sig út af fyrir sig og er áhorfandi. Hins vegar er maður með kraftmeiri og opnari framkomu, sem er krefjandi, ráðríkur og stundum eilítið öfgafullur í ákafa sínum að komast áfram og gera það sem hann ætlar sér.

Alvara
Alvörugefni er einkennandi fyrir Sporðdrekann. Hann er skapstór og tilfinningaríkur og tekur mjög ákveðna afstöðu með eða á móti mönnum og málefnum. Hann elskar eða hatar. Hann vill ganga heill að hverju verki, hvort sem er um vinnu, ást eða áhugamál að ræða. Hann er lítið fyrir hálfkák og vill komast til botns í hverju máli. Sporðdrekinn er því ekki maður sem á auðvelt með að skipta sér á milli margra ætlunarverka.

Einbeiting
Alvörugefni Sporðdrekans og þörf fyrir að komast til botns tengist öðrum persónuleikaþætti, sem er einbeiting. Hann hefur þann hæfileika að geta einbeitt sér að ákveðnum málum og útilokað umhverfi sitt og annað sem er óviðkomandi. Segja má að honum hætti til að fá einstök mál á heilann, svo jaðri við þráhyggju.

Kaldhæðni
Skopskyn Sporðdrekans birtist oft í beittum og kaldhæðnislegum athugasemdum. Hann á til að "stinga" með eiturbroddinum fræga þegar sá gállinn er á honum. Hann er því erfiður andstæðingur og vont að lenda í rimmu við hann, enda á hann til að vera grimmur ef fólk reitir hann til reiði eða stendur í vegi fyrir honum. Hann berst hins vegar af sama krafti fyrir þá sem honum þykir vænt um og er að öllu jöfnu traustur og góður vinur.

Dulúð
Sporðdrekinn hefur áhuga og hæfileika á sviði rannsókna. Hann heillast oft af því sem er til dæmis dularfullt og hefur gaman af að svipta hulunni af yfirborðinu og komast að kjarna málsins. Hann hefur því oft áhuga á spennumyndum, og glæpasögum, en einnig á dauðanum, kynlífi og reyndar öllu því sem er á einhvern hátt hulið myrkri, spennu og dulúð.

Endurnýjun
Sporðdrekinn er merki hreinsunar og endurnýjunar. Hann er næmur á eigin veikleika sem og veikleika annarra, enda á hann tiltölulega auðvelt með að sjá í gegnum fólk. Hreinsunarþörf hans getur beinst að eigin persónuleika eða færst yfir á þjóðfélagið og umhverfið. Stundum lýsir hún sér þannig að Sporðdrekinn fer yfir atburði liðins dags og heitir sér því að endurtaka ekki þau mistök sem hann hefur gert. Hann getur einnig átt í mánaðalangri eða áralangri innri baráttu. Það er ekki óalgengt að hann brjóti sig niður og sökkvi djúpt í sjálfseyðingu. Hann sér gallana í fari annarra og spillinguna í þjóðfélaginu. Því er algengt að Sporðdrekinn tali um spillingu stjórnmálamanna og hafi áhuga á að stinga á kýlum mannlegs samfélags. Þessi sama orka, blönduð tilfinninganæmi, gerir að verkum að hann er að upplagi ágætur sálfræðingur eða læknir. Hann sér veikleika fólks og með réttri þjálfun getur hann hjálpað því að losa sig við vankanta sína.

Einvera
Til að endurnýja lífsorku sína og viðhalda henni þarf Sporðdrekinn að geta dregið sig annað slagið í hlé. Hann þarf á reglulegri tímabundinni einveru að halda. Ef önnur merki viðkomandi Sporðdreka eru félagslynd getur það komið honum að sömu notum að skipta annað slagið um umhverfi. Sporðdrekinn er valdamerki, sem táknar að hann þarf að ráða sínu eigin lífi og lífsháttum. Því er æskilegt að hann vinni við stjórnun eða geti sinnt eigin verkefnum án afskiptasemi frá öðrum.  

 Það er sko búið að vera gríðarlega mikið að gera hér á bæ. Ég og málningarrúllan tókum okkur saman og réðumst á græna litinn á veggnum inni í svefnherberginu okkar. Liturinn barðist lengi og hetjulega en við rúllan unnum að lokum!!!! Ég þurfti að mála 5 eða 6 umferðir yfir veggbjánann! Var hætt að telja nákvæmlega. OMG hvað ég var orðin pirruð. En núna er herbergið hvítt og fallegt og langtum, langtum stærra en það var.  Svo var skundað í IKEA og keyptur fataskápur. Það kostar örlitlar tæpar hundrað þúsund krónur að versla sér eitt stykku fataskáp. Það er eins gott að maður gerir það ekki á hverjum degi....... En hann er rosalega flottur. Svo er hann með speglahurðum þannig að ég á orðið svooooooooooooooooooooona stóran spegil.  Nú, svo á kallinn minn afmæli á morgun og það auðvitað mætir hingað fullt, fullt af fólki. Þar á meðal Fríða. Mikið rosalega hlakka ég til að sjá hana. Og það þarf auðvitað að gefa öllu þessu fólki eitthvað að borða þannig að ég er búin að vera að baka og baka og baka og baka og svo framvegis.  Svo var húsið í rúst, og ég er ekki að ýkja. Við vorum búin að taka niður gamla ,,fataskápinn” og búin að dreifa innihaldinu úr honum út um alla íbúð. Svo ég er búin að vera á fullu að mála, taka til og baka. Ásamt þessu venjulega. Ég sagði við Gauja að ég yrði á fullu að undirbúa að þeir komi og svo yrðum við svo ósofin, pirruð og vitlaus og ég láti það allt bitna á honum! Múhahahahahahaha!   Ég held samt að þeir ætli að þora að koma í heimsókn.  

Ég og tíminn erum ekkert of sátt þessa dagana. Mig vantar meira af honum en hann flýgur framhjá og er greinilega að flýta sér eitthvað annað.... Ég gæti verið að allan sólahringinn en ég held að það myndi ekki duga til.

Það hefur reyndar líka sett aðeins strik í reikninginn að ég er búin að vera aðeins slöpp, búin að sofa og sofa. Missti röddina á föstudaginn og það hefur bara eiginlega ekkert heyrst í mér síðan. Enda búið að gera frekar mikið grín að mér.......     Fórum í skoðunarferð á laugardaginn, ákvað að skella mér þrátt fyrir raddleysi og slappleika. Fórum að skoða 3 nýbyggð fjós ásamt fullri rútu af afar hressum og skemmtilegum sunnlendingum. Ég lærði það að svona ,,skoðunarferðir" eru ekkert nema bara fyllerísferðir. Og þarna var mér alla ferðina bent á það að ég ætti bara að drekka nógu sterkt áfengi, þá myndi þetta nú lagast, raddleysið sem sagt. Og svo var bara hlegið að mér. Svo gat ég náttúrulega lítið andmælt þessu þar sem það heyrðist varla í mér.... En já, það var boðið uppá frítt áfengi á öllum stöðum sem við komum á. Maður var eiginlega farin að sjjá svolítið eftir því að drekka ekki, þarna hefði maður geta komist á fínt fyllerí. Nei, annars ekki. En, jújú, margir voru orðnir aðeins hressari en þeir eiga að sér að vera. Og það var mikið ,,hneikslast" á okkur Alla fyrir að drekka ekki. Siggi meðal annars klappaði mér á öxlina og sagði að þetta væri allt í lagi, þetta myndi lagast. Ég hlyti að þroskast upp í þetta á endanum!

Svo á leiðinni heim var náttúrulega annar hver maður, nei, ég held bara flestir nema ég og Alli með pela sem gengu svo fram og til baka eftir rútunni.

Svo í lok ferðar var búið að koma með misgáfulegar hugmyndir um bæði drykkjuleysið og raddleysið. Þær komu aðalega frá sessunautum okkar hinum megin við ganginn. Ég var sem sagt svona raddlaus af því ég drakk svona rosalega mikið daginn áður, þá sem sagt á föstudeginum. Og Alli drakk ekki í ferðinni af því ég er svo rosalega mikil gribba að hann bara mátti það ekki! Spáið í það hvað hann á vonda konu.

 

Og mikið af honum. Og vitið þið hvað ég gerði???? Fór út og bjó til snjókall! Sem akti rosalega lukku hjá smáfólkinu mínu. Enda geggjað flottur snjókall!! En ekki hvað? Mér fannst bara nokkuð gaman að fá svona mikin snjó. En það var reyndar af því að það var ekkert rok. Ég fæ ógeð um leið og það kemur rok og hann fýkur út um allt.  

Þessa dagana finnst mér ég vera að setja stelpurnar mínar alltof snemma upp í rúm. Það er orðið bjart svo rosalega lengi og mér finnst klukkan sjö að klukkan sé svona fimm. Svo skil ég ekkert í því að þær sofni bara um leið.

 

Já, og, eitt en. Hvaða 10 til 15 manneskjur eru það sem eru að koma hérna inn eiginlega á hvernig degi????????? Ég er eiginlega orðin svolítið forvitin sko....... Það er sko mjög erfitt fyrir mig af því ég er svo rosalega forvitin manneskja.

Anna! Ég var gegt dugleg! Tókstu eftir því? Ha? Ha?

 Þú verður að komast að því hvað það er annars verð ég gegt móðguð!

Ég var rekin til að fara að blogga. Er samt gríðarlega þreytt og hugmyndasnauð eitthvað núna. Hef ekkert að segja.

 Það sem gengur á hjá mér þessa dagana er Volare. Ég hugsa um volare, ég vinn við volare og mig dreymir orðið volare líka. Búin að kaupa mér fullt, fullt af vörum auðvitað, maður þarf þess til að geta verið að kynna og þessar vörur eru bara snilld. Búin að finna æðisleg dagkrem og næturkrem og frábæran maska líka. Þessar vörur eru bara frábærar út í eitt. Og eins og þið sjáið þá blogga ég bara um Volare líka...... Tala ekki um neitt annað, ég bíð bara eftir að fólk verði þreytt að því að heyra mig tala um þetta endalaust. Er alveg stórmerkilegt hvað Alli hefur mikla þolinmæði fyrir því að heyra mig tala um snyrtivörur endalaust......  

 En já, það var kynning um síðustu helgi sem gekk bara stórvel. Var rosa gaman. Svo ætla ég t.d. að troða mér inná Önnu og kynna hjá henni á næstunni.

 En jæja, búin að blogga smá. Núna ætla ég að fara að reyna að sofa. Og dreyma dagkrem líklega.......

PIRR! PIRR! PIRR! PIRR!     

 Vildi bara deila þessu með ykkur!

Ok! Núna er verið að skamma mig fyrir bloggleti............ Iss, ég er samt ekki búin að sleppa því að blogga í 5 mánuði!   Eeeeen, ég ákvað að klína einhverju hérna inn svo það væri nú ekki verið að skamma mig. Vandamálið er bara að ég hef ekkert að segja.... Lífið gengur bara svona sinn vanagang hérna. Þarf reyndar að fara að huga að tveimur afmælum sem koma bráðum, ég hef einhvern vegin á tilfinningunni að það komi í minn hlut að sjá um þau. Veit ekki af hverju......?

Jú, heyrðu, stórfréttir. Ég er orðin algjör snillingur í að baka pönnukökur!  Núna þarf ég bara að fjárfesta í pönnukökupönnu...... Eða sníkja eina af tengdó, veit að hún á tvær. Svo ég skal baka pönnukökur handa öllum sem kíkja hingað í sumar. Jæja, búin að blogga aðeins. Svo það er ekki hægt að skamma mig meira! Þangað til næst....

Ég ætti að vera að vinna eeeeen er að asnast til að skrifa eitthvað hérna inn í staðinn.....

Um síðustu helgi þá fórum við kallinn í bæinn. Stúlkurnar pössuðu uppá ömmur sínar á meðan. Þegar við komum í bæinn var brunað í Smáralindina þar sem var til dæmis fjárfest í undirfötum í Debenhams (mæli með því, þau eru æði. ) sparifötum á kallinn og svo keypti ég auðvitað föt á litlu prinsessuna henar Karen. Og um leið og ég gerði það afrekaði ég alveg heilmikið! Ég fór inn í Adams og keypti ekkert handa skvísunum mínum í þetta skiptið. Dugleg ekki satt???? Svo kom yndislegi maðurinn minn mér á óvart og keypti handa mér rós, er svo sætur.

Þegar við voru svo búin að versla þá var farið á Amerikan Style, en ekki hvað? Er hægt að borða annars staðar í Reykjavík eða? Eftir það kíktum við til Karenar og Trausta, rúntuðum Laugaveginn sem er algjört möst! og svo fórum við heim til afa Alla til að klæða okkur í sparifötin.

Svo var farið á Tívolí þar sem verið var að halda uppá afmæli hjá fullt af fólki. Ég var sem betur fer ennþá södd eftir Style-inn svo ég fékk mér bara lítið að borða og mikið er ég fegin því. Held ég segi ekkert meira um það, en félagsskapurinn þarna var frábær svo það var bara allt í lagi, Gaui og Elías voru auðvitað þarna og fullt fullt af fólki. Og auðvitað Anna, sem mér finnst by the way að ætti að fara að blogga!!! Ákvað að skjóta þessu hérna að....... Ég þurfti sko að berjast við mann og annan til að taka frá sæti fyrir hana, lagði mikið á mig!! Hefði reyndar viljað eyða meiri tíma með henni, en það kemur bara næst.

En svo eftir matinn þurftum ég, Alli, Gaui og Elísa að rjúka því við fórum í leikhús klukkan 20. Fórum á Laddi 6 tugur og það var ÆÐI!! Frábært, æðislegt, stórkostlegt. Ég á sko eftir að lifa á þessu lengi. Maðurinn er bara snilld. Maður hló eiginlega allan tímann, ef maður hló ekki var maður að klappa á milli atriða. Svo keyptum við Ladda disk sem var verið að selja þarna og hann er auðvitað spilaður í gríð og erg í bílnum, við mikla hrifningu hjá skvísunum. Uppáhalds lagið er Superman!!!!! Með hrópum og köllum og hendina út í lofti og allt. Svo er alltaf dansa mamma! Syngja mamma! Syngja pabbi! Dansa pabbi! Svo ef þið sjáið bíl fullan af fólki sem er að: Greiða sér! klóra sér á bakinu! taka skriðsund! Veifa höndunum! og svo framvegis........ þá erum það við ....... Þið kannski veifið á móti.

En, já, áfram með söguna, eftir leikhús var haldið niður í bæ. Þá var sest inná Celtic Cross og drukkið ......... kók. Og kaffi, ekki má gleyma því. Tryggvi og kærastan hans kíktu og svo Fríða. Það var yndislegt að hitta hana. Farðu að koma aftur í sveitina stelpa! Þarna vorum við svo til u.þ.b. þrjú og þá var lagt af stað heim. Ég dottaði þó nokkuð oft, var orðin svo þreytt. ( Held að Alli hafi ekki gert það ..... allavega komumst við alla leið heim. )

Jæja, þá er ég nú búin að segja ykkur þessa skemmtiferðasögu mína svo núna get ég haldið áfram að vinna, reyna að gera eitthvað af viti. Já! Ég geri það stundum!